18 апреля 2015 г.
«Чувашия» ПТРК, Чăваш наци телерадиокомпани тата «Советская Чувашия» хаçат уникаллă, çĕнĕ «Пирĕн республика. Тĕп тема» пĕрлехи проекта старт параççĕ.
Журналистсен тимлĕхĕнче – Чăваш ен аталанăвĕн пĕлтерĕшлĕ аспекчĕсем: макроэкономика кăтартăвĕсенчен тата бюджет параметрĕсенчен пуçласа ача садĕнчи вырăнсем тата обществăлла транспортри билет хакĕсем таранах. Тĕп эксперт вырăнне программăна Чăваш ен Пуçлăхĕ Михаил Игнатьев хутшăнать.
Премьера кăларăмĕнче журналистсем республикăра физкультурăпа массăллă спорт аталанăвне пысăк тимлĕх уйăрни, халăха сывă пурнăç йĕркине явăçтарма тăвакан ĕçсемпе технологисем, халиччен пурнăçланă тата малашнехи ĕçсем пирки кăтартĕç.
«Пирĕн республика. Тĕп тема» телепрограммăн пĕрремĕш кăларăмĕ эфира апрелĕн 21-мĕшĕнче «Россия-24» каналпа 19 сехет те 30 минутра тата Чăваш наци телевиденийĕпе 20 сехет те 30 минутра тухать.