15 апреля 2015 г.
Вырсарникун Чăваш енре виçĕ пушар тухнă, пĕри – пирĕн районта. «Вăрнарти йывăç комбиначĕ» акционерсен уçă обществин хăмасенчен çапса тунă веранди хыпса илнĕ.
Вырăнти пушар чаçĕн çыхăну пульчĕ çине пĕлтерÿ 21 сехет те 9 минутра килнĕ. Çăлавçăсем пушара сÿнтерме тăватă автоцистернăна явăçтарнă, вут-çулăма çур сехетрех çăварлăхланă.Çулăм çурт тăррине тата шалти отделкăна сиенленĕ. Пушар сăлтавне тĕпчеççĕ.
Çулталăк пуçланнăранпа республикăра 283 пушар тухнă. Инкекре 41 çын вилнĕ, çавăн чухлех аманнă. 21 миллион ытла тенкĕлĕх пурлăх кĕлленнĕ. Пирĕн районта «хĕрлĕ автан» 14 хутчен аташнă.