11 апреля 2015 г.
Аслă Çĕнтерĕвĕн юбилейĕ умĕн Вăрнар районĕнчи 832 вăрçă ветеранĕ пĕр хутчен паракан тÿлеве илĕ. Раççей Президенчĕн февральти Указĕпе ăна çак категорири çынсем тивĕçеççĕ: Тăван çĕршывăн Аслă вăрçин инваличĕсем, участникĕсем, «Блокадăри Ленинградра пурăннă çын» паллăна тивĕçнисем, концлагерьсен, гетто тата Тăван çĕршывăн Аслă вăрçи вăхăтĕнче фашистсем тата вĕсен союзникĕсем вăйпа тытма йĕркеленĕ ытти вырăнĕсен çула çитмен узникĕсем, Финлянди вăрçи, Тăван çĕршывăн Аслă вăрçи тата Яппун вăрçи вăхăтĕнче вилнĕ салтаксен тăлăх арăмĕсем, Тăван çĕршывăн Аслă вăрçин инваличĕсемпе участникĕсен тăлăх арăмĕсем – 7000 тенкĕ* вăрçă вăхăтĕнче тылра (СССРăн вăхăтлăха оккупациленĕ территорийĕсенче ĕçленисĕр пуçне) ултă уйăхран кая мар ĕçленисем, Тăван çĕршывăн Аслă вăрçи вăхăтĕнче ырми-канми ĕçленĕшĕн СССР орден-медалĕсене тивĕçнисем, çавăн пекех нацистла концлагерьсен, тĕрмесен, геттон унчченхи çула çитнĕ узникĕсем – 3000 тенкĕ.
Пĕр хутченхи тÿлеве илме заявлени тата хушма документсем тăратмалла мар. Раççей Пенси фончĕн Вăрнар районĕнчи управленийĕ укçана ветерансем патне апрель – май пуçламăшĕнче çитерет. Почта тÿлеве пенсипе пĕрле валеçет. Банксене укçа-тенкĕне куçарнă ĕнтĕ. Çар пенсионерĕсем ку тÿлеве ведомствăсем урлă илĕç.