Публикации » Медальлисем

11 апреля 2015 г.

Аслă Çĕнтерÿ 70 çул тултарнă ятпа юбилей медалĕпе наградăланисене çĕн-сăрьелсем те саламларĕç. Çав шутра Валентин Ефимов, Иустиния Трофимова, Феврония Павлова, Феодора Гервасьева. «Праçнике ял-йышпа пĕрле сумлăн кĕтсе илĕпĕр, – терĕ Уйкас Кипек ял тăрăхĕн пуçлăхĕ Александр Петров. – Çу уйăхĕнче çурхи пахчара сатур вăй-халпа ăнăçтарма ырă сунатăп».

Валентин Ефимович, акă, ĕç тесен чăн та маттур, тем тума та пĕлет. Ку уйăхра 85 çул тултарать. Ватлăхне пăхмасăр вĕлле хурчĕсем тытать, вĕсемпе пуш уйăхĕнчен тытăнса тимлесех куллен чăрманать. Хĕлĕпех йĕлтĕрпе çÿрерĕ. Кĕçех акă велосипедне утланĕ. Чĕлĕм туртмасть. Эрехпе айланмасть. Урă пурнăç йĕркине кăмăллать. Çамрăкран «Звезда» колхозра трактористра тăрăшнă, техникăпа çывăхланма çамрăксене пайтах илĕртнĕ, вĕрентнĕ, ку йăлана вĕсене трактор рульне хăй пăхса тăрса шанса панипе çирĕплетнĕ.

В.ПАВЛОВ.