Публикации » Апатлантарса пĕтерчĕç

08 апреля 2015 г.

«Мураты» ял хуçалăх предприятийĕнчи механизаторсем кĕрхи тырăсен калчисене минераллă удобренипе апатлантарса пĕтернĕ хыççăнах нумай çул ÿсекен курăксен лаптăкĕсене сÿрелеме тытăнчĕç.

Кĕрхи тырăсен лаптăкĕсем юртан тасалса çитсенех Илья Петров механизатор «Туман-1» опрыскивательпе кĕр калчисене минераллă удобренипе куллен вуншар гектар апатлантарма пуçларĕ. Ĕç хăвăртлăхĕпе пахалăхне ÿстернĕ çĕрте Владислав Волков трактористпа Александр Федоров водителĕн тÿпи уйрăмах пысăк. Пĕри складри михĕсене уй-хире турттарса тăчĕ, тепри удобрение опрыскиватель çине пушатма пулăшрĕ. Виççĕн эрне хушшинче кĕр калчисене 302 гектар апатлантарчĕç. Çăкаллă-явăшсем çурхи ĕçсене ăнăçлă пуçларĕç. Ака-сухана кĕске вăхăтра, пысăк пахалăхпа вĕçлесшĕн.

В.МОСКВИН.