28 марта 2015 г.
Чăваш Республикин ВДПО службин ĕç планĕпе килĕшÿллĕн тата ачасене пушар хăрушсăрлăх правилисене пăхăнма хăнăхтарас тĕллевпе ВДПО-н Вăрнарти вырăнти уйрăмĕ апрелĕн 1-мĕшĕнчен пуçласа май уйăхĕн 22-мĕшĕччен вĕрентÿ учрежденийĕсенче пĕлÿ пухакансем, шкул çулĕчченхи учрежденисене çÿрекенсем валли «Хăрушсăрлăх кунĕ» тата «Уçă алăксен кунĕ» акцисем йĕркелеме палăртнă.
Акцисем йĕркипе тĕрлĕрен мероприятисем иртĕç, пушар хăрушсăрлăхĕ тĕлĕшпе инструктажсем, калаçусемпе лекцисем, класс сехечĕсем, ачасен пултарулăхĕн куравĕсем, пушара хирĕçле темăсене çутатакан конкурссем, вут-çулăма сÿнтермелли пĕрремĕшле хатĕрсен куравĕсем тата ытти те. Çавăн пекех ачасене инкек вăхăтĕнче хăйсене тĕрĕс тытма хăнăхтаракан вĕрентÿсем те иртĕç.
ВДПО-н вырăнти уйрăмĕ çак адреспа вырнаçнă, Вăрнар поселокĕ, Ленин урамĕ, 134-мĕш çурт. Çыхăнмалли телефон 2-50-32.
Л.КАЛИТОВА,
ВДПО-н Вăрнарти вырăнти уйрăмĕн председателĕ.