Публикации » Вут-çулăм сиенĕ çинчен

28 марта 2015 г.

Пушар хуралĕн ĕçченĕсем пуçарнипе вĕрентÿ учрежденийĕсенчен чылайăшĕнче хăрушсăрлăх урокĕсем иртрĕç. Калининăри шкул-интернат вĕренекенĕсемпе Вăрнарти 27-мĕш пушар чаçĕн инженерĕ Ирина Максимова тата ВДПО-н вырăнти уйрăмĕн председателĕ Людмила Калитова çурхи каникул пуçланас умĕн тĕл пулнă. Çакă ăнсăртран мар – тĕл пулусем кану вăхăтĕнче ачасем инкеке лекессине асăрхаттарас тĕллевлĕ. Вĕренекенсем хăрушсăрлăх урокĕнче пушарсен сăлтавĕсене аса илнĕ май çулăмпа тимлĕ пулмаллине палăртнă. Калаçу тĕрлĕ ыйтусем тавра пынă, ачасем пушар тухсан мĕн тумаллипе, килте е урамра пăхăнмалли хăрушсăрлăх правилисемпе кăсăкланнă. Профилактика мероприятийĕ вĕрентÿ эвакуацийĕпе вĕçленнĕ.

И.ЯКОВЛЕВА.