18 марта 2015 г.
Халăха вулавпа туслаштарас, республикăри литература ĕçченĕсен произведенийĕсене популяризацилес тĕллевпе Чăваш наци библиотеки 10 çул ытла ĕнтĕ «Литературăллă Чăваш ен% çулталăкри чи вуланакан кĕнеке» конкурса йĕркелет.
Çак йĕркепе кăçал та районти тĕп библиотекăра диспутсем, калаçусем ирттерме, кĕнекесене сÿтсе явма, писательсемпе тĕлпулусем йĕркелеме палăртнă.
Ыран, мартăн 19-мĕшĕнче, Туçи Çармăс библиотекинче ку ялта çуралса ÿснĕ «Кивĕ çăл вăрттăнлăхĕ» кĕнеке авторĕпе Валентин Константиновпа литература каçĕ иртĕ.
Мартăн 24-мĕшĕнче 10 сехетре районти тĕп библиотекăн вулав залне чăваш писателĕ Ангелина Павловская тĕлпулăва йыхравлать. Вулакансем унăн «Вĕрене шывĕ те пылак» кĕнеке тавра калаçĕç.
Библиотекăра ку конкурс йĕркипе кĕнекесен куравне те йĕркеленĕ. vurbibl.narod.ru сайтра та кăсăклă информаци нумай.
Ю.КУРБАТОВА,
методпай ертÿçи.