18 марта 2015 г.
Тунтикун Раççейре старт илнĕ «Ăçта вилĕм сутнине пĕлтер!» оперативлă профилактика акцине Чăваш Республики те хушăннă.
Акцин тĕп тĕллевĕ – наркопритонсене тата наркотик пур япаласен саккунсăр çаврăнăшне хирĕç кĕрешесси çеç мар, общественноçа çак ыйту патне тимлĕхе ÿстерме вĕрентесси те. Вăл икĕ тапхăрта иртет: хальхи – мартăн 27-мĕшĕччен, иккĕмĕшĕ – ноябрĕн 27-мĕшĕччен.
Наркополицейскисем республика çыннисене наркотиксем саракансем пирки мĕнпур факта пĕлтерме ыйтаççĕ. «Шанăç телефонĕ» çине килекен информацие тĕплĕн тĕрĕслеççĕ. Кунта шăнкăравласан çавăн пекех наркотикран асăрханас, сывалас ыйтусемпе те специалистсен канашне илме, наркотике хирĕçле ĕçе вăйлатма хăвăр енчен сĕнÿсем пама пулать.
«Шанăç телефонĕ» – 8(8352)23-01-00 – талăкĕпех ĕçлет. Асăрхаттару-сĕнÿсене taxpol@cap.ru адреспа та йышăнаççĕ.