18 марта 2015 г.
Раççей Шалти ĕçсен министерствин «Вурнарский» пайĕн ултă сотрудникне (ку шутран виççĕшĕ – Элĕк районĕнчи полици уйрăмĕн ĕçченĕсем) Раççей Президенчĕ ятĕнчен Сочири Олимпиада символĕллĕ медальсемпе тата грамотăсемпе наградăланă. Çакăн пек пысăк чыса пирĕн ентешсем Сочири Хĕллехи XXII Олимп тата XI Паралимп вăййисене йĕркелесе ирттерме курăмлă тÿпе хывнăшăн тивĕçнĕ.
Пирĕн çĕршывра пĕрремĕш хут иртнĕ Хĕллехи Олимпиада вăхăтĕнче «Вурнарский» пайăн сотрудникĕсем тĕрлĕ регионти ĕçтешĕсемпе пĕрле хулара тата спорт сооруженийĕсенче обществăлла йĕркелĕхе сыхлама хутшăннă. Сочире хăйсен служба тивĕçне пурнăçланисен йышĕнче – Сергей Петров полици майорĕ, Евгений Андреевпа Геннадий Иванов полици капитанĕсем, Сергей Волков полици аслă лейтенанчĕ, Сергей Антонов полици аслă сержанчĕ, Евгений Васильев полици сержанчĕ.
Наградăсене тивĕçнĕ полицейскисен сăмахĕсем тăрăх, вĕсем хăйсен ĕçне Раççей Президенчĕ çакăн пек пысăк хак парасса шутлама та пултарайман.
Л.ЗАБИРОВА,
Раççей Шалти ĕçсен министерствин «Вурнарский» пайĕн пуçлăхĕн помощникĕ
шалти служба майорĕ.