07 марта 2015 г.
Юлашки вăхăтра республикăра суя укçа сарнă тĕслĕхсем нумайланнă, çав шутра ытларах – 500, 1000, 5000 тенкĕлĕххисем. Вăрттăн туса кăларнă купюрăсене чăннисенчен уйăрса илме нумай чухне питĕ йывăр. Çавăнпа та лавккасенче, тÿлевсем йышăнакан ытти организацисенче тимлекенсене тимлĕрех пулма сĕнетпĕр.
Улталанас мар тесен, ку учрежденисенче укçан чăнлăхне кăтартакан ятарлă приборсем пулсан аван. Анчах вĕсем çук-тăк, ÿкерчĕке 10 хут ÿстерекен лупăпа та усă курма юрать – çапла майпа укçан пахалăхне купюрăн тÿнтер енче вуланакан микротекст тăрăх палăртма пулать.
Кунсăр пуçне 1000–5000 тенкĕлĕх купюрăсем суя пулнине çак паллăсем кăтартаççĕ:
- хучĕ пахалăхсăр пулни;
- купюра ÿкерчĕкĕ çинчи пĕчĕк детальсем япăх курăнни;
- купюрăна икĕ хутпа çыпăçтарни;
- укçана сăтăрсан-хуçлатсан сăрри кайни, инфрахĕрлĕ пайăркасемпе пăхсан купюра çутатни;
- микроперфораци шăтăкĕсем (500, 1000, 5000 числосем) алпа сăтăрсан тикĕс мар ( чăнни çинче – яка);
- нумай тĕслĕ вăрттăн йăрăмсем те чăн укçаннинчен уйрăлса тăраççĕ.
Енчен те эсир суя (шанчăксăр) купюра тупрăр пулсан:
- ăна туянакана каялла тавăрма юрамасть;
- туянакана тимлĕ сăнаса, лавкка çывăхĕнче ларакан машинăсен номерне астуса юлмалла;
- телефонпа шăнкăравласа е сигнализаци кнопкине пусса полицие, хурал службин сотрудникĕсене васкавлăн чĕнмелле;
- суя купюрăна чылай вăхăт иртнĕ хыççăн асăрхасан та ăна пытарма тăрăшмалла мар, полицие е лавкка хуçине хăвăртрах пĕлтермелле.
Суя укçасене хатĕрленĕшĕн тата сарнăшăн РФ Уголовлă кодексĕн 186-мĕш статйипе явап тыттарма пăхнă – 5–15 çуллăха ирĕксĕр юлма пулать. Енчен те эсир купюрăсене хăйсем тĕллĕн хатĕрлесе саракансем çинчен мĕнле те пулин информаци пĕлетĕр-тĕк, 2-50-02, 2-51-72 е 02 телефонсемпе хăть хăш вăхăтра хыпарлама пултаратăр.
Ытларах чухне çакăн пек сериллĕ тата номерлĕ суя купюрăсем тăтăшрах тĕл пулаççĕ:
500 тенкĕлĕххисем:
бб 3408300; зЛ 2006839;
еб 6238020; тС 0026820;
Сб 6105319; Пь 3001579;
сЭ 5082230; чб 9356302ĕ
1000 тенкĕлĕххисем:
ьН № 372****; 379****;
Сх № 147****;
ьМ № 721****;
тЛ № 570****;
МБ № 896****;
оП № 919****;
ьП № 394****.
5000 тенкĕлĕххисем:
бв № 478****; № 988****; № 588****; № 697****;
ба № 387****; № 587****; № 597****; № 697****;
ав № 567****; № 687****; № 587****;
вб № 478****; № 988****; № 538****;
вм № 478****; № 388****;.
С.ИВАНОВ,
оперуполномоченнăй.