07 марта 2015 г.
Мартăн 8-мĕшĕ умĕн районти тĕп библиотекăра «Историри хĕрарăм сăнарĕ» курав ĕçлеме тытăнчĕ. Вăл тĕрлĕ темăллă кĕнекесен коллекцийĕпе паллашма сĕнет.
«Вăйсăррисен вăйĕ» тĕрлĕ ĕмĕрти мухтавлă хĕрарăмсем çинчен каласа кăтартать: Аслă Екатерина, Жанна Д,Арк, Софья патша майри, Ефросинья Полоцкая тата ытти те. Легендăна кĕрсе юлнăскерсем тата вĕсен вăхăчĕ кăсăклă кĕнекесенче «чĕрĕлсе» тăраççĕ.
«Хĕрарăм. Политика. Влаç» пай хĕрарăмăн патшалăх шайĕнчи ыйтусене татса парас вырăнне сăнлать.
«Эп вăрçăра пулнă» пай хĕрарăмсен фронтри паттăрлăхне кăтартать. «Ÿнер музи» пай пултаруллă хĕрарăмсем – писатель-поэтсем çинчен. Пурне те курава çитме, историшĕн хаклă кĕнекесемпе паллашма чĕнетпĕр.
Л.ИВАНОВА,
библиотека ĕçченĕ.