04 марта 2015 г.
.jpg)
Районти тĕп площадьре шăматкун хĕле ăсатнă самантра тимĕр спорчĕн тусĕсем районти турнирта вăй виçнĕ. Ăна йывăр атлетика енĕпе район чемпионне, Чăваш Республикин темиçе хутчен призерне, районта ача-пăча спортне пуçарса янă Станислав Евдокимова асăнса ирттернĕ.
Турнира хутшăнакансенчен пурте тенĕ пекех Юрий Агилов тренер патĕнче ăсталăха туптаççĕ. Çĕнтерÿ пьедесталĕнче – йăлтах ун воспитанникĕсем.
Харпăр-хăй ÿсĕмĕнчи чемпионсем: ачасенчен – Петр Петров, Данил Дудай, Никита Никитин, Владимир Константинов, Сергей Митрофанов, Максим Шашков, Павел Шишкин, арçынсенчен – Артур Афанасьев тата Алексей Кириллов.