04 марта 2015 г.
Призерсен йышне кĕме темиçе очко кăна çитеймен пулин те Мăньял Хапăсри Тикиневсен çемйин кăтартăвĕпе савăнмалла. Районтан Пĕтĕм Раççейри хĕллехи ял спорт вăййисенче ку тĕсре халиччен никам та хутшăнманччĕ-ха.
Надеждăпа Юрий тата вĕсен Валентина хĕрĕ нумаях пулмасть республикăра çемье тупăшăвĕнче чи лайăх результат кăтартрĕç.
Надежда Владимировна Калининăри вăтам шкулта вăй хурать. Юрий Алекандрович – ача-пăча спорт шкулĕн тренер-преподавателĕ. Хĕрĕсем – Ирина, Галя, Валя – пĕчĕкренех спортпа туслă. Хăйсен ÿсĕмĕнче хальлĕхе вĕсене йĕлтĕрпе чупса çитекен çук. Кунта ашшĕ-амăшĕн ырă тĕслĕхĕ витĕмлĕ, хĕрачасен хăйсен кăмăл çирĕплĕхĕ пысăк пулни палăрать.
Спортсменсем Пермьрен таврăнман-ха – ентешсем вĕсене çĕнтерÿллĕн кĕтсе илĕç.