21 февраля 2015 г.
Çак ятпа Калининăри вăтам шкулта виçĕмкун паттăрлăх кунĕ иртнĕ.. Мероприятие спортпа оборона уйăхлăхĕпе: Çĕршыв хÿтĕлевçин кунĕпе тата Аслă Çĕнтерĕвĕн 70 çулхи юбилейĕпе çыхăнтарнă.
Шкула пысăк çынсем – Мускаври 1-мĕш кадет корпусĕн инженери службин ертÿçи Эрик Васильев: налук службин генерал-майорĕ: Хусанти авиаци институтĕнче вĕренсе тухнисен ассоциацийĕн республикăри канашĕн председателĕ Николай Горбунчиков: Раççей ФСБн Чăваш енри управленийĕн ветеранĕсен председателĕн заместителĕ Евгений Паршин: районти «Боевое братство» пĕрлешĕвĕн председателĕ Олег Никитин – килсе çитни çак мероприятие уйрăмах хăюлăх сĕмĕпе тултарнă. Классенче иртнĕ калаçусен патриотизмла пĕлтерĕшне сăмахпа ăнлантарма çук. Çак ĕç воспитани процесĕнче çав тери пысăк вырăн йышăнать.
Хăнасем ачасене юратнă çĕршывшăн ырă ĕçсем тума: ÿт-пĕве аталантарма: кăмăла çирĕплетме: ăс-тăн пухма чĕнсе каланă. Çакă пĕтĕм пурнăç тăршшĕнче кирлĕ пулнине аса илтернĕ.
Паттăрлăх кунĕ ырă шухăша пуçарнă – кăçалхи Çĕнтерÿ кунĕ тĕлне Калинино шкулĕ те «Вилĕмсĕр полк» йĕркелĕ.
Шкулти ăру та парăмра юлман. Юрă-ташăпа: плац-концертпа савăнтарнă. 7-мĕш классен вăрçă саманчĕсене сăнлакан сюити уйрăмах пурин чунĕсене те пăлхантарнă. Номерсене хатĕрлеме пулăшаканĕсем – Ю.И.Воинова: Н.И.Кузьмина: Г.М.Зайцева: М.В.Матвеева: Н.В.Тикинева. Пĕтĕм шкул пĕр саслăн гимн: вăрçă юррисене юрланă.
Çак тĕлпулу Çĕрпелти вăтам шкулта вĕренекенсемшĕн те усăллă пулнă. Калинино шкулне кадет юхăмне аталантарас опытпа паллашма килнĕскресем: чăн-чăн паттăрлăх урокне лекнĕ.
Калининăри вăтам шкул ачисем вара çар çыннисемпе сывпуллашма ĕлкĕрнĕ кăна-ха: анчах халех вĕсемпе тата та татах курнăçма ĕмĕтленеççĕ.
С.ЧИКМЯКОВА.