18 февраля 2015 г.
Раççей Пенси фончĕн Вăрнарти управленийĕн специалисчĕсем иртнĕ эрнере район хаçатĕнче «Страхланă çыннăн уйрăм пÿлĕмĕ» электронлă сервис презентацине ирттерчĕç.
Ку – кашниншĕнех усăллă сервис. Уйрăмах вăл пенси вăхăтченхи ÿсĕмри çынсене кирлĕ. РФ Пенси фончĕн сайтĕнче (www.pfrf.ru) килтен тухмасăрах стаж тата мĕн чухлĕ пенси балĕ пухăнни çинчен пĕлме пулать. Ку кăтартусем çĕнĕ формулăпа пулас пенси никĕсне йĕркелеççĕ.
Эсир ăçта ĕçленĕ, ĕçпе тивĕçтерекен сирĕншĕн мĕн чухлĕ взнос хывнă, пухăнакан пенси сирĕн патшалăхăн мар мĕнле фондĕнче е управляющи компанийĕнче йĕркеленет, патшалăхăн софинансировани программине сирĕн счет çинче мĕн чухлĕ укçа пухăннă – çаксене уйрăм пÿлĕмре йăлтах пĕлме пулать. Унсăр пуçне, çак сервис пулас пенсие модельлеме, пенси фондне электронлă майпа ыйту яма, йышăнăва çырăнма, пенси виçи çинчен справка е ытти документа ыйтса яма май парать.
«Страхланă çыннăн уйрăм пÿлĕмне» кĕмелли пароль патшалăх тивĕçтерĕвĕн пĕрлехи порталĕнчипе пĕрешкел пулни те питех меллĕ.