18 февраля 2015 г.
Шкул ачисене – пулас суйлавçăсене – суйлав йĕркипе тĕплĕнрех паллаштарас тĕллевпе Çамрăк суйлавçă кунĕнче Вăрнарти 1-мĕш шкулта анлă мероприяти иртрĕ. Унта район администрацийĕн ĕçĕсен управляющийĕ Светлана Войтенко та хутшăнчĕ.
«Политика партийĕсем» ĕç вăййинче ачасем патшалăхăн политика тытăмне епле пĕлнине кăтартса пачĕç. Вĕсем суйлава епле хатĕрленни тата ирттерни пирки видеоролик пăхрĕç. Инсценировкăна (вăл малтанхи кун иртнĕ) тата чăн суйлава танлаштарчĕç. Вĕренекенсен хăна патне ыйту нумай пулчĕ, Светлана Наумовна вĕсем çине теплĕн хуравларĕ. Чи хастаррисем Хисеп грамотисене тивĕçрĕç.
Суйлав-инсценировкăна 112 вĕренекен хутшăнчĕ. Виçĕ суйлав участокĕ ĕçлерĕ. Çамрăк суйлавçăсен виçĕ партишĕн сасăлама тиврĕ. Çак вăйă ачасене суйлав пĕлтерĕшлĕ пулăм пулнине кăтартса пачĕ.
Г.НАЗАРОВА.