14 февраля 2015 г.
2011 çултанпа Вăрнар район прокурорĕн тивĕçĕсене Ильфак Гарефетдинович Мифтахутдинов пурнăçласа пырать. Чăваш патшалăх университетĕнче пĕлÿ илнĕ хыççăн вăл ЧР Президенчĕн Администрацийĕн Право управленийĕнче тимленĕ, 2000 çултанпа прокуратура органĕсенче службăра тăрать.
Нумаях пулмасть Ильфак Гарефетдиновича «Юстици аслă советникĕ» чинне панă. Çак чин çарти полковник званийĕпе танлашать. Çакна çирĕплетсе пĕлтĕрхи декабрĕн 30-мĕшĕнче Раççей Федерацийĕн Генеральнăй прокурорĕ Юрий Чайка 113-мĕш приказа алă пуснă.
Çавăн пекех Вăрнар район прокурорне саккунлăха тата право йĕркине çирĕплетес ĕçри çитĕнÿсемшĕн уйрăммăн палăртса Раççей Прокуратурин ĕçченĕн кунĕ умĕн Чăваш Республикин Патшалăх Канашĕн Хисеп грамотипе наградăланă.