31 января 2015 г.
Кăҫал юр ытларах ҫунă пирки ял хушшинчи ҫулсене тултарсах тăрать. Аҫăмҫырми ял тăрăхне вунпĕр ял кĕрет. Вĕсене юртан тасатса тăма Александр Степанова шаннă. Питĕ тимлĕ, тĕплĕ ĕҫлет вăл.
А.Степанов пуҫарнипе ялта тĕрлĕ ĕҫсем пурнăҫланаҫҫĕ. Тăван тăрăхшăн хытах тăрăшать. Хăй – Юпшик Ялтăраран, апла пулин те ытти ял ҫыннисен нушисене те ăнланать.
Пирĕн Малтикас Ялтăрари Солнечнăй урамра шоссе пур, Шкул тата Парк урамĕсенче ăна сарман. Апла пулин те А.Степанов вĕсене те юртан хырса тăрать. Унсăрăн май та ҫук. Уйрăмах ватă ҫынсем савăнаҫҫĕ. Капла ачисем хуларан килсен машинăпа кĕрсе тухма та пулать-ҫке. Ҫавăнпа та ял ҫыннисем ыр кăмăллă ҫынна тав тунинчен тĕлĕнмелли ҫук…
Н.ПАРАМОНОВА.