22 января 2014 г.
Калининăри вăтам шкул Вăрнарти хутăш препаратсен завочĕпе темиçе çул ĕнтĕ тачă çыхăну тытать. Завод ертÿçи В.Свешников пулăшнипе мĕн чухлĕ ырă ĕмĕте пурнăçламан пулĕ эпир. Тĕрлĕ костюмсем çĕлеме, кадет класне Мускава кайса килме пулăшрĕç тата ытти те.
Раштав уйăхĕнче кăна икĕ хутчен хăнара пулма тÿр килчĕ унта: пĕрремĕшĕнче – депутатсен районти Пухăвĕн депутачĕ Е.Захаров хапăл тусах вĕрентекенсемпе тĕлĕнмелле экскурси ирттерчĕ; иккĕмĕшĕнче çамрăк спецназовецсен Раççей Геройĕн С.Ашихмин ячĕпе хисепленсе тăракан отрячĕ Çĕнĕ çул уявĕнче пулса савăнчĕ. Уявран ачасем пылак кучченеçсемпе, савăк кăмăлпа таврăнчĕç.
Эпир, Калинино шкул коллективĕ, çакăн пек хастар, ырă кăмăллă туссене Çĕнĕ çулта сывлăх, ĕçре ăнăçу сунатпăр.
Ю.ВОЙНОВА,
çамрăк спецназовецсен класс ертÿçи.