13 января 2014 г.
2013 çул хамăр район пурнăçĕнче те паллă йĕр хăварчĕ, ырă улшăнусем чылай пулчĕç.
Районăн вĕçĕмсĕр кĕнеки – «Çĕнтерÿ çулĕ» хаçат – хăйĕн страницисенче Вăрнар тăрăхĕн пурнăçне, унăн çыннисен пархатарлă ĕçне-хĕлне, савăнăçĕпе хуйхи-суйхине яр-уççăн çутатса пырать. 2014 çула хаçат ĕçченĕсем лайăх кăмăл-туйăмпа кĕтсе илчĕç. Çĕнĕ çултан «Çĕнтерÿ çулĕ» 4500 ытла экземплярпа тухса тăрĕ. Хаçата çырăнса илекенсене пирĕнпе пĕрле пулнăшăн тав тăватпăр. Çавăн пекех район хаçачĕ виççĕмĕш çул харăс Раççейри сумлă конкурс çĕнтерÿçи пулса тăчĕ, «Прессăн ылтăн фончĕ – 2014» Палла тивĕçрĕ.
Район хаçачĕ вулаканăмăрсем валли тухса тăрать. Тĕрĕссипе, унăн содержанине пуянлатассишĕн общество корреспонденчĕсем – пирĕн шанчăклă туссем – тăрăшаççĕ. Вĕсем хаçата халăхпа çывăхрах пулма пулăшаççĕ. Акă вĕсем, хаçатăн чи çывăх тусĕсем: Е.Г.Матвеева, Е.Ф.Сергеева (Вăрнар), В.И.Москвин (Мăн Явăш), Т.Н.Бондарь (Тĕмпек), О.М.Иванова (Австрийская) (Пăртас), В.Д.Скворцов, Г.К.Скворцов, В.Н.Кожанов (Мăньял Хапăс), А.Ф.Пескова (Пăваяль), М.Сергеева (Кÿлхĕрри), И.П. Феофанова (Хирпуç), А.А.Алексеев (Хураçырма), В.П.Кошкин, В.И.Иванов, Н.В.Васильева, Н.Налимова-Чудакова (Шупашкар), Я.А.Никифоров (полици уйрăмĕ), И.Г.Мифтахутдинов, А.В.Владимиров, Е.Н. Дмитриева, Л.В.Спиридонова (район прокуратури), Л.Григорьева (Ярмушка), Н.Парамонова (Малтикас Ялтăра), Г.Краснов (Шăхаль), С.Е. Ефимов (Йĕпреç), В.Т.Дмитриева (2-мĕш вăтам шкул), И.Максимова (27-мĕш пушар чаçĕ), Т.П.Ефимова, Г.М.Зайцева (Калининăри шкул) тата ыттисем.
Эпир «Раççей Почтин» Вăрнарти почтамчĕн пуçлăхне Г.П.Никитина, çак коллектив ĕçченĕсене – çыхăну уйрăмĕсен ертÿçисене, почтальонсене, водительсене, çавăн пекех хаçатра Вăрнар чиркĕвĕн прихучĕн «Георгиевский листок» кăларăмне хатĕрлекен Александр аттене, «Çĕнтерÿ çулĕн» тусĕсене-партнерĕсене – депутатсен районти Пухăвĕн депутачĕсене О.Г.Куликовăна, В.А.Тимофеева, Р.Ш.Киметова, çавăн пекех В.Н.Ижелеева (Уйкас Кипек), И.М.Федоров фермера, В.М.Федорова (Вăрнар), Вăрнарти аш-какай комбиначĕн генеральнăй директорне Н.В.Аливанова, Калинино райповĕн канашĕн председательне В.Э.Николаевана, Шупашкарти Калинин районĕнчи ДОСААФ организацийĕн председательне А.В.Ванина, Т.Н.Осиповăна («Агрокредит»), тырă йышăнакан предприяти директорне Я.М.Григорьева, В.С.Михайлова («Вита»), Е.Г. Траковăна («Поддержка» компани), В.В.Рыжов, А.Авруйский, А.Г.Коновалов («Жилье»), О.Г.Папанян («Цветы»), В.Г.Львов, О.А.Крылова предпринимательсене тата ыттисене чĕререн тав тăватпăр.
Пурне те Çĕнĕ 2014 çул ячĕпе ăшшăн саламласа ырлăх-сывлăх, телей, ăнăçу сунатпăр, район хаçачĕпе тытакан çыхăну малашне тата çирĕпленессе шанатпăр.
«Çĕнтерÿ çулĕ» хаçат редакцийĕ.