30 декабря 2013 г.
Вăрнарта ирĕклĕ майпа кĕрешессине пуçарса янă Владимир Данилович Егорова асăнса республикăри уçă турнир иртнĕ. Унта 15 виçе категорийĕнче 200 ытла спортсмен вăй виçнĕ. Вĕсем республикăри тĕрлĕ район-хуласенчен килсе çитнĕ. Турнира хамăр районти Пăртасри, Мăн Явăшри, Кĕçĕн Кипекри, Вăрнарти 1-мĕшпе 2-мĕш, Санарпуçĕнчи шкулсенчи ачасем хутшăннă.
Вăрнарсенчен Алексей Тимофеев, Дима Шерстнев, Антон Сантимер, Анастасия Краснова, Регина Краснова, Марина Осипова чемпионсем пулса тăнă. Кирилл Лукин, Никита Львов, Никита Федоров, Антон Павлов, Екатерина Кошкина, Настя Максимова, Анастасия Дмитриева çĕнтерÿ пьедесталĕн иккĕмĕш пусми çине хăпарма тивĕçнĕ. Леонардо Семенов, Дима Мошкин, Дима Прокопьев, Вадим Иванов, Тимур Сергеев, Милена Федорова, Алена Тимофеева бронза призерсем пулса тăнă. Ачасем Виталий Трофимов, Юрий Львов, Сергей Васильев тренерсем патĕнче вĕренеççĕ.
Кĕрешÿçĕсене кавир çине тухиччен район администрацийĕн пуçлăхĕ Леонид Николаев, Вăрнар хула поселенийĕн пуçлăхĕ Алексей Владимиров, Евгений Захаров тата Рифкат Киметов депутатсем, В.Егоровăн мăшăрĕ Вера Антоновна тата Дмитрий ывăлĕ саламланă. Çĕнтерÿçĕсем Ю.Кудрявцев, Р.Киметов, Л.Сантимер, ыттисен парнисене тивĕçнĕ
С.ЧИКМЯКОВА.