30 декабря 2013 г.
Республикăра вун пĕр уйăхра ачасем хутшăннипе çул çинче 229 инкек пулнă. Синкерлĕ вĕçленнисем те пур: шел те, ултă ача пурнăçĕ татăлнă, 242 ача аманнă. Хамăр районта та çула çитменнисем инкеке лекнĕ тĕслĕхсем тăватă хутчен çырăннă.
Ачасем аманса сусăрланассине асăрхаттарас тĕллевпе шкулсенче каникул пуçланнă май, кăçалхи декабрĕн 23-мĕшĕнчен çитес çулхи январĕн 10-мĕшĕччен ятарлă профилактика мероприятийĕ ирттерме йышăннă.
ГИБДД сотрудникĕсем çулсем çинче тĕрĕслевсене тухаççĕ, çавăн пекех вĕренекенсене хăрушсăрлăх правилисене тепĕр хут аса илтереççĕ. Автоинспекторсем ашшĕ-амăшĕсене те ачасене çул-йĕр правилисене пăхăнмаллине ăнлантарма сĕнеççĕ.
В.АЛЕКСАНДРОВ,
«Вурнарский» пайăн ГИБДД уйрăмĕн пуçлăхĕн тивĕçĕсене пурнăçлаканĕ полици лейтенанчĕ.