18 декабря 2013 г.
Вăрнарти ача-пăча пултарулăх çурчĕн тренер-преподавателĕн Николай Васильевич Есенцевăн вĕренекенĕсем каллех республикăри ăмăртура палăрчĕç. Сĕтел çи теннис енĕпе шкул ачисем хушшинче Чăваш ен Пуçлăхĕн Кубокĕшĕн пыракан спартакиада йĕркипе Вăрнарта иртнĕ çурма финалта вĕсем пĕрремĕш вырăн йышăннă.
Юрий Григорьева, Ирина Ефремована тата Николай Жукова пĕрлештернĕ команда зонăри тупăшусенче Патăрьел, Пăрачкав тата Шăмăршă районĕсенчи тантăшĕсемпе вăй виçнĕ.
Халĕ вĕсен Кубока çĕнсе илессишĕн финалта кĕрешме тивет. Вăл декабрĕн 20-мĕшĕнче Шупашкарта иртет. Пĕлтĕрхи спартакиадăра Н.Есенцевăн вĕренекенĕсем бронза призерсем пулса тăнăччĕ.
С.Чикмякова.