16 декабря 2013 г.
«Август» Фирмăн «Вăрнарти хутăш препаратсен завочĕ» филиалĕнче çулталăк тăршшĕпе чылай мероприяти иртет. Уйрăмах мини-футбол турнирĕсене завод ĕçченĕсем хастар хутшăнаççĕ.
Кăçал та цехсемпе подразделенисем – пĕтĕмпе çичĕ команда – мала тухассишĕн уйăх тупăшнă. Финал вăййисем ытлари кун – Пĕтĕм тĕнчери футбол кунĕнче – иртнĕ.
Хальхинче те «Звездопад» филиалĕн каччисем чи çивĕччисем пулнă, вĕсем строительствăра кăна мар, спортра та ăстасем пулнине тепĕр хут çирĕплетнĕ.
Иккĕмĕш вырăнта – уйрăм хуçалăхсем валли ÿсентăрансене химилле майпа хÿтĕлекен препаратсем кăларакан тата полимер тарисен производствин цехĕсен пĕрлештернĕ команди. Виççĕмĕшĕнче – 182-мĕш цех.
Турнирта çавăн пекех завод управленийĕн, 181-мĕш,102-мĕш,180-мĕш цехсен тата «Рубеж» хурал предприятийĕн ĕçченĕсем те вăй виçнĕ. Вĕсем таблицăн аяларах йĕркисене йышăннă.
С.ЧИКМЯКОВА.