16 декабря 2013 г.
Раççей спорт министерстви физкультурăпа спорт сферинчи 2013 çулхи кăтартусемпе «Раççей мăнаçлăхĕ» наци премине пĕтĕмлетнĕ. Палăртма кăмăллă, Чăваш Республики унта пĕрремĕш хут çĕнтернĕ, «Раççей регионĕсем» номинацире физкультурăпа спорта аталантарассипе çĕршыври чи лайăх субъект пулса тăнă.
Премин спорт номинацийĕсене Раççей Правительстви 2010 çулта çирĕплетнĕ. Кашни номинацие 500 пин тенкĕ уйăраççĕ. Кăçалхи наци премин çĕнтерÿçисене çывăх вăхăтра Мускавра чыслаççĕ.
«Раççей мăнаçлăхĕ» наци премийĕ пĕтĕмпе тăхăр номинацие пĕрлештерет.