09 декабря 2013 г.
Вăрманкас шкулĕнчи çамрăк тавра пĕлÿçĕсем хăйсен тăрăхĕн сăнарне йĕркелессипе çыхăннă интереслĕ ĕçсене хутшăнчĕç. Вĕсем Вăрманкас, Катăш, Мăньял Хапăс ялĕсенчи чи çивĕч сăнарсене кăтартакан виçĕ коллаж хатĕрлерĕç, «Манăн ял» («Сăнар») сочиненисен конкурсне хутшăнчĕç.
9 класра вĕренекен Сабина Абрамова (1-мĕш вырăн), Екатерина Иванова (2-мĕш вырăн), Екатерина Сергеева, Анастасия Кожанова (3-мĕш вырăн) хăйсен ĕçĕсемпе уйрăмах палăрчĕç.
А.Захаров, В.Трофимов (7-мĕш класс), Р.Иванова, М.Маркова, И.Кожанов (8-мĕш класс) ĕçĕсем çав тери аван. Ачасем хăйсен ял таврашĕнчи экологи сукмакĕн маршрутне туса хатĕрлерĕç, çутçанталăка сыхласси çинчен каларăшсен пуххине те йĕркелерĕç.
Г.ЗАЙЦЕВА,
географи учителĕ.