04 декабря 2013 г.
Шкул ачисен спартакиади малалла пырать. Эрне кун ун йĕркипе вĕренекенсем сĕтелçи теннисра тупăшнă. Унта 24 шкултан 18-шĕ хутшăннă.
Вăтам шкулсем хушшинче малти вырăна Хапăс команди тухнă. Иккĕмĕшĕнче – Калининăри, виççĕмĕшĕнче Ярмушкари вăтам шкулсем.
Пĕтĕмĕшле пĕлÿ паракан шкулсем хушшинче Вăрманкасри шкулта вĕренекенсем чи çивĕччисем пулнă, турнирăн пĕрремĕш йĕркине йышăннă. Иккĕмĕшĕнче – Хирпуç, виççĕмĕшĕнче Хăмăш шкулĕсен командисем.
Уйрăмшар зачетра Хапăсри Ирина Ефремова тата Юрий Григорьев – чемпионсем. Вăрнарти 1-мĕш шкулта вĕренекенсем Вика Петровапа Николай Жуков – кĕмĕл, 1-мĕш шкулти Зоя Андреевапа Данил Васильев бронза призерсем.
С.ЧИКМЯКОВА.