12 ноября 2013 г.
Районти культура çурчĕн ветерансен халăх хорĕ Чăваш Республикин культура
министерстви йĕркеленĕ «Ялан юрлать чĕре» фестивалĕн Йĕпреçре иртнĕ зонăри
смотр-конкурсне хутшăнчĕ.
Концерт программине хорпа, ушкăнпа, пĕччен юрлакансем хутшăнчĕç. Вĕсен
пултарулăхне Шупашкартан килнĕ жюри хак пачĕ.
Пирĕнпе пĕрле районтан ветерансен «Утмăл турат» ушкăнĕ (ертÿçи Г.Лаврова),
Калининăран – Ю.Афанасьевапа В.Волков хутшăнчĕç (ертÿçи Е.Мышкина), Мăн Явăшри
ветерансен хĕрарăмсен «Çăлкуç» ушкăнĕ тата Людмилăпа Илья Лаврентьевсем сцена
çине тухрĕç.
«Ялан юрлать чĕре» конкурсра Канаш хулинчи, Тăвай, Йĕпреç, Канаш районĕсенчи
коллективсем пулчĕç. Республика шайĕнче иртекен смотра хутшăнма пулăшнăшăн,
сцена çине тухма çи-пуç çĕлеме укçапа, автотранспортпа тивĕçтернĕшĕн
спонсорсене: «Август» Фирмăн «Вăрнарти хутăш препаратсен завочĕ» филиалĕн
директорне В.Свешникова, ун ĕçченĕсене А.Константинована, Е.Захарова, Д.Обухова,
С.Флегентов предпринимателе, «Энергостроймонтаж» директорне Р.Киметова, «Мария»
тулли мар яваплă общество директорне М.Яковлевана тав тăватпăр.
Е.МАТВЕЕВА,
ветерансен халăх хорĕн ертÿçи.