06 ноября 2013 г.
Калининăри шкулти çамрăк спецназовецсен класĕ республикăн тĕп хулинчен килсе
çитнĕ хаклă хăнасене йышăннă. Вĕсем – «С.Н.Е.Г.» тулли мар яваплă общество
директорĕ Евгений Паршин тата унăн ĕçтешĕ Алексей Смышляев. Евгений
Александрович ку шкулта пĕрремĕш хут мар, ачасемпе тата вĕрентекенсен пултаруллă
коллективĕпе унччен маларахах паллашнă.
Хальхинче те тĕл пулу ачасемшĕн çав тери интереслĕ те вĕрентÿллĕ иртнĕ.
Запасри офицерсем çамрăк тусĕсене спецназовецсен хатĕрленĕвĕнчи хăш-пĕр
упражненийĕсене кăтартнă, ачасен ÿсĕмĕсемпе вара çитес тĕл пулура паллашма
шантарнă. Хăнасем вĕренекенсен шкулти çитĕнĕвĕсемпе тата паянхи çамрăк ăрăвăн
пурнăçĕпе кăсăкланнă. Хăйсем енчен чăн-чăн спецназовецсен мĕнле пулмаллине
каласа панă, сывă пурнăç йĕркине тытса пыма сĕннĕ.
Запасри офицерсен вĕрентĕвне манмасăр Калининăри çамрăк спецназовецсем халĕ
тренировкăсенче кунсерен вăй-хала çирĕплетеççĕ.
Хамăр инф.