23 октября 2013 г.
Мускавра чăваш йăли-йĕркин «Кĕр сăри» уявĕ çулленех иртет. Кăçал унта пирĕн районти «Тивлет» юрăпа ташă ансамблĕ те хутшăнчĕ. «Хĕрлĕ Октябрь» культура керменĕнче пуçтарчĕç. Чăваш наци культура автономийĕн Мускаври хастарĕ Анатолий Иванович Григорьев ентешĕмĕр чĕннипе кайрăмăр. Вăрнар тăрăхĕнче пирĕн коллективăн «Савăш курки» тата «Атьăр, вăййа тухар-и;» сюитисене аван пĕлеççĕ. Мускавра шăпах çавсене кăтартрăмăр. Нумай хутчен тăвăллăн алă çупаççĕ. Тăват çĕр çын ытла пуçтарăннă та-ха. Катари тăвансем, çавăн пекех, чăваш эстрада артисчĕсем Сергей Кувшинов, Виктор Петров, Катя Петрова, Ольга Прокопьева юрланине килĕштерчĕç.
«Тивлете» Мускава кайса килме пулăшнăшăн уйрăм предпринимательсене Л.Марченкопа Е.Осиповăна, ООО «Викапа» В.Иванова, Вăрнар райпоне, акционерсен «МСО Вурнарская» обществипе И.Сандомирова, ООО «Попутчикпе» А.Петрова, «Находка» магазинпа Н.Петровăна, «Каскад» кафене, сĕт завочĕпе Ф.Волкова тав тăватпăр.
А.ЕВДОКИМОВА.
Г.ВИНОГРАДОВА.