09 октября 2013 г.
Чăваш енĕн Мускаври «Тăван Çĕршыв ывăлĕсем» ятпа пĕрлешнĕ офицерĕсем çамрăк ăрăва патриотлăха вĕрентсе воспитани парас тĕлĕшрен пархатарлă ĕçлени çинчен пĕлсех тăратпăр. Хастар энтузиастсенчен пĕри – ентешĕмĕр Эрик Васильев полковник. Октябрĕн 5-мĕшĕнче юлташĕсемпе пĕрле вăл Сĕнтĕрвăррине çитнĕ. Хулари спорт комплексĕнче кадетсен вăййисемпе ăмăртăвĕсене ирттернĕ. Унта республикăри 13 шкултан хутшăннă. Пирĕн районтан Калининăри вăтам шкултан 7-мĕш класрисем 18-ăн кайнă. Кадетсен çак йышĕ пĕтĕмĕшле результатсемпе 3-мĕш вырăна тухнă. Нурăс енĕн ачисем пуринчен те ытла пысăкрах йышпа хастар ташланипе тĕлĕнтернĕ – питĕ илемлĕ, çаврăнăçуллă ташланă. Тĕрлĕ ташшавĕсене, ытти вăйăсем пекех, класс руководителĕ Надежда Владимировна Тикинева вĕрентет. Хăйĕн класне республика шайне тухма хальхинче те питĕ тимлĕ хатĕрленĕ. Ытти вăй-хал вăййинче те çĕнтернисем – Кристина Ефимова, Александр Иванов, Максим Васильев пурте пĕлекен автомата 81 çеккунтра сÿтсе пуçтарнă. Мария Андреева, Николай Ситников, Евгений Крылов историе тарăнрах пĕлнине кăтартса панă, ыйтусем çине хăвăрт та тĕплĕ хуравланă.
Кадетсен класĕ – вĕренÿре малта пыраканнисенчен пĕри. 7-мĕшсем тĕл пулуран пысăк хавхаланупа таврăннă.
В.МИХАЙЛОВ.