09 октября 2013 г.
Иртнĕ эрне вĕçĕнче Вăрнар спортсменĕсем каллех тĕрлĕ ăмăртусенче вăй виçрĕç.
Мăньял Хапăс хĕрачи Ирина Тикинева акă кросс енĕпе Чăваш Республикин чемпионачĕн çĕнтерÿçи пулса тăнă. Вăл виçĕ километр чупнă. Хапăс хĕрачи Лариса Лапташкина пĕр километрта кĕмĕл медаль çĕнсе илнĕ.
Кросс йĕлтĕр спорчĕпе тĕнче класлă СССР спорт мастерĕн, XIV Хĕллехи Олимп вăййисен участникĕн Надежда Шамакован парнисемшĕн иртнĕ.
Кĕрешÿçĕсем вара РФ нефть тата газ промышленноçĕн тава тивĕçлĕ ĕçченне, РФ халăха вĕрентес ĕç отличникне, Чăваш Республикин тава тивĕçлĕ строительне А.Слукина асăнса ирттернĕ турнира хутшăннă. Вун çичĕ спортсменран пиллĕкĕшĕ çĕнтерÿ пьедесталĕ çине хăпарма тивĕçнĕ: Мăн Турхан хĕрачи Надежда Краснова чемпион пулса тăнă, унăн йăмăкĕ Анастасия Краснова, Тĕмпекри Наталья Дмитриевапа Линда Журавлева тата Мăн Явăшри Екатерина Кошкина виççĕмĕш вырăнсене йышăннă.
С.ЧИКМЯКОВА.