Редакция Вурнарской районной газеты «Путь победы»ОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » «Шăпам – комсомолăм!»

02 октября 2013 г.

Пионер-комсомол юхăмĕн ветеранĕсен районти канашĕ ВЛКСМ 95 çул тултарнă ятпа асăну уявĕн мероприятийĕсене палăртрĕ. Вĕсене хатĕрленсе ирттерме сакăр çынран оргкомитет туса хунă. Вĕсенчен кашнийĕ тĕллĕ ĕç-пуçшăн яваплă. Пĕтĕмĕшле тĕллев – çитĕнекен ăрăва Тăван çĕршывшăн мĕнпур енĕпе пултаруллă ÿсмешкĕн пулăшасси, патриотла воспитание хальхи çивĕч ыйтусене тĕпе хурса туса пырасси, йăх-ăрусен çыхăнăвне çирĕплетсе, пархатарлă йăла-йĕркесене çĕнĕлле хăватпа аталантарасси.

Пирĕнтен кашнийĕн хамăрăн тăванла çемьесен кун-çулне, аслă çĕршывăмăрăн паттăрла пуян историне тĕплĕн-тарăннăн пĕлмелле тесе шутлатпăр. Эпир, халь ĕнтĕ ветеран ячĕпе пурнаканнисем, обществăпа патшалăх ĕçне-хĕлне активлăн, хастаррăн хутшăнма хыпкаланнă, пире комсомол çавнашкал хăнăхтарнă: «Комсомол – пирĕн шăпа, ĕмĕрех çамрăк пулăпăр!» теттĕмĕр.

«Пире комсомол пĕрлештернĕ» девизпа пултарулăх ĕçĕсен конкурсне ирттеретпĕр. «Комсомол – манăн шăпа» номинацире харпăр хăйпе çемье членĕсем çинчен каласа кăтартмалла. «Çулăмлă çулсем» номинацире пĕтĕмĕшпе вăрçă паттăрĕсем пулĕç. Комсомол мăшăрлатнă çемьсем валли – «Çуркунне, юрату, комсомол», «Комсомолти яшлăхăм» номинацисем пур. Материалсене октябрĕн 28-мĕшĕнчен кая юлмасăр районти тĕп библиотекăна çитермелле. Праçник сценарийĕпе те çавăнтах паллашма пулать. Уява октябрĕн 29-мĕшĕнче каçхи 6 сехет валли пухăнатпăр.

Г.СТЕПАНОВ,

пионер тата комсомол юхăмĕн ветеранĕсен районти канашĕн

председателĕ.

Мой МирВКонтактеОдноклассники
Система управления контентом
TopList Сводная статистика портала Яндекс.Метрика