Редакция Вурнарской районной газеты «Путь победы»ОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Ĕçсĕр ăна тунсăх

25 сентября 2013 г.

Услапари Василий Афанасьева ĕçе юратнăшăн, ырă кăмăлĕшĕн хисеплеççĕ. Çăмăл пулман унăн ачалăхĕ. Улттăра чух амăшĕ чирлесе вилнĕ. Тăван çĕршывăн Аслă вăрçи пуçлансан ашшĕ фронта тухса каять те çапăçура йывăр аманса, инвалид пулса киле таврăнать. Пĕчĕкренех килти, колхозри ĕçсене хăнăхать Василий Афанасьев, ялти шкула çеç вĕренсе пĕтерме май килет.

– Пурнăçри йывăрлăхсем çынна çирĕплетеççĕ, ĕçе юратма вĕрентеççĕ, – тет сакăр вуннăри ветеран.

Салтак çулĕ çитсен Германире виçĕ çул çурă службăра тăрать.

– Нимĕçсем питĕ кăмăллă, хăйсене йĕркеллĕ тытаççĕ, питĕ ĕçлекен халăх. Усал Гитлер пулман пулсан вăрçă та тухас çукчĕ, – çапла шутлать В.Афанасьев. Вăл каланă тăрăх, ун чухне Германири пирĕн салтаксене отпуска яман, ăна вара служба ĕçне тивĕçлипе туса пынăшăн кĕске вăхăтлăха килне килме ирĕк параççĕ. Политикăпа çар отличникĕ ята тивĕçет.

Салтак аттине хывсан тăван «Броневик» колхозра ĕçлеме тытăнать. Ватлăхри канăва тухни 20 çул ĕнтĕ. Вăл халĕ те «Броневикрах» вăй хурать.

– Мана ĕçсĕр пурăнма питĕ кичем. Тĕлĕнетĕп, мĕншĕн халь ялти çамрăксем ĕçе юратмаççĕ, хăшĕсем ĕçкĕшĕн çеç сĕртĕнкелесе çÿреççĕ, – пăшăрхăнса калаçать ветеран.

Утмăл çула яхăн арăмĕпе Юлияпа килĕшÿллĕ пурăнаççĕ, килти хуçалăха çирĕп тытса пыраççĕ.

– Василий Афанасьев пуриншĕн те хисеплĕ çын. Сакăр вунна çитиччен ĕçлерĕ кунта. Эрех пачах ĕçмест, туртмасть. Туртакансемпе ĕçекенсене питлет, чарăнма сĕнет, – пĕлтерет «Броневик» хуçалăхăн тĕп инженерĕ Борис Алексеев.

Василий Афанасьев пек çынсем нумайрах пулччăрччĕ пирĕн хушăра, вара çĕршыв та çирĕпрех пулĕ.

Вениамин ИВАНОВ.

Мой МирВКонтактеОдноклассники
Система управления контентом
TopList Сводная статистика портала Яндекс.Метрика