07 августа 2013 г.
Шалти ĕçсен Чăваш Республикинчи министерствин хушăвĕпе килĕшÿллĕн июлĕн 15–25-мĕшĕсенче районта «Çамрăк» комплекслă профилактика операцийĕн иккĕмĕш тапхăрĕ иртнĕ
Шалти ĕçсен министерствин «Вурнарский» пайĕн сотрудникĕсемсĕр пуçне операцие профилактика тытăмĕн ытти субъекчĕсен представителĕсем те хутшăннă. Ун йĕркипе шалти ĕçсен пайĕнче учетра тăракан çула çитмен 34 çамрăка тĕрĕсленĕ. Вĕсенчен виççĕшне вăхăтлăх ĕçе вырнаçтарнă. Çавăн пекех полици сотрудникĕсем районти тĕп больницăн педиатрĕпе тата район администрацийĕн çула çитменнисен ĕçĕсемпе тимлекен комиссийĕн секторĕн заведующийĕпе пĕрле ăнăçсăр çемьесене те тĕрĕсленĕ. Рейд вăхăтĕнче ачисене пăхас тивĕçе пурнăçлассинчен сĕмсĕррĕн пăрăнакан пĕр çемьене тата саккуна пăснă икĕ çамрăка çĕнĕрен учета илнĕ.
Çак вăхăтра полици ĕçченĕсем, йĕркене пăснă тĕслĕхсене палăртас тата асăрхаттарас тĕллевпе, суту-илÿ вырăнĕсене, дискотекăсемпе клубсене, чартаксене тата вокзалсене тимлĕхе илнĕ. Аслисем çамрăксене спиртлă шĕвексене ĕçме явăçтарнă тата ашшĕ-амăшĕн тивĕçĕсене пурнăçлассинчен пăрăннă тĕлĕшпе тăватшар, çула çитмен çамрăк обществăлла вырăнта ÿсĕр çÿренĕ виçĕ, каçхине дискотекăра пулнă пĕр тĕслĕхе тупса палăртнă.
А.ГУБАНОВ,
Шалти ĕçсен министерствин «Вурнарский» пайĕн пуçлăхĕ
полици подполковникĕ.