31 июля 2013 г.
Шуршăлта вĕрентнĕ Антонина Ефимовна Соснина Сĕнтĕрвăрри тăрăхĕнчи Хурапхара çеç мар, ытти ялсенче те ырă йĕр хăварнă. Мĕншĕн; – тейĕ вулакан. Хăй вăхăтĕнче вăл пулас космонавта Андриян Николаева пуçламăш пĕлÿ паракансенчен пĕри пулнă. Ун патĕнче хăнара космонавт хăй те пулса курнă.
Хурапха – пĕчĕк ял пулсан та унтан паллă çынсем чылай тухнă. «Арçури» баллада авторĕ Михаил Федоров, паллă ÿнерçĕ, профессор Юрий Васильевич Викторов (унăн вĕренекенĕсем Вăрнар тăрăхĕнче вуншарăн), çыравçă-драматург Левтина Марье–Нестерова.
Юлашки çулсенче А.Е.Соснина Вăрнарта тĕпленнĕччĕ. Пурăнаççĕ-ши унăн ачисем, тăванĕсем; Хаçат урлă пĕлтерсен тем пекехчĕ. Çурчĕ умне космонавтпа çыхăнтарса: кунта А.Николаев космонавта вĕрентнĕ А.Е.Соснина çав-çав çулсенче пурăннă тесен питĕ асăмлăччĕ те...
А.МАКСИМОВ