29 июля 2013 г.
Утă уйăхĕнче Çĕнĕ Сăрьел пуçĕнче кирпĕчрен стела (палăк) çĕклерĕç. Ăна Тăван çĕршывăн Аслă вăрçинче пуç хунисене асăнса лартрĕç. Ырă ĕç Леонид Иванов тăрăшнипе пурнăçланчĕ.
Палăк çĕкленĕ çĕрте Андрей Иванов, Иванпа Юрий Егоровсем, Николайпа Артем Клементьевсем, Василий Зайцев, Владимир Павлов, Эдуард Федоров, Алексейпа Игорь Михайловсем, Анатолий Зайцев, Сергей Шакиров, Владимир Арсентьев, Николай Павлов тата ыттисем хастар ĕçлерĕç. Чи çамрăкки – Николай Павлов. Стела çĕкленсе ларсан ылтăн тĕслĕ хĕрес вырнаçтарчĕç.
Хĕр-хĕрарăмсем те маттур пулчĕç. Людмила Иванова, Алена Клементьева, Алина Федорова, Светлана Михайлова, Ирина Павлова, Наташăпа Анжелика Ивановăсем, Алина Ефимова, Екатеринăпа Нина Арсентьевăсем, Елена Курбатова ĕçлекенсене тутлă апат-çимĕçпе сăйларĕç. Руслан Федоров спонсор пулса шашлăк пĕçерсе çитерчĕ.
В.ПАВЛОВ