24 июля 2013 г.
Чăваш ен Пĕтĕм тĕнчери парашют спорчĕн ăмăртăвне ирттерме хатĕрленет. Августăн 22–27-мĕшĕсенче Шупашкарта çитĕннисем тата çамрăксем хушшинче парашют спорчĕн чемпионачĕ, Европа первенстви тата тĕнче Кубокĕ пулаççĕ. Ăмăртусем А.В.Ляпидевский ячĕллĕ аэроклубра иртеççĕ. Унта тĕнчери чи вăйлă 200 спортсмен хутшăнма палăртнă: Аргентина, Болгари, Венгри, Итали, Китай, Польша, Украина, Чехи, Швейцари, Германи, Франци, Раççей тата ытти çĕршыв командисем. Чи йышлă командăсем Китайран (20 çын) тата Раççейрен (17 çын) пулĕç.
Парашют спорчĕн Пĕтĕм тĕнчери ăмăртăвĕсене Чăваш енĕн тĕп хулинче Шупашкарта ирттерессине иртнĕ çулхи апрельте Буэнос-Айресра йышăннă.