Публикации » Шахматистсен – уяв

20 июля 2013 г.

Паян Пĕтĕм тĕнчери шахмат кунне паллă тăваççĕ. Вăйă ячĕ перс чĕлхинчен куçарсан «хуçа вилнĕ» (шах мат) тенине пĕлтерет. Шахмат çĕршывĕ Инди шутланать. 5-мĕш ĕмĕрте çакăн евĕрлĕ вăййа «чатуранга» тенĕ. Раççейре шахматла 9 е 10 ĕмĕрте выляма пуçланă.

Хальхи вăхăтра çак спорт тĕсĕ анлă сарăлнă. Акă районта шахмат турнирĕсене ирттерессине пысăк тимлĕх уйăраççĕ. Инвалидсен районти организацийĕ те пĕлтерĕшлĕ мероприятирен пăрăнса юлмасть, тĕрлĕ сăлтава пула сусăра тухнисем хушшинче çулсерен шахмат турнирĕ йĕркелет.

Е.ПОРФИРЬЕВА