03 июля 2013 г.
Улатăрти арçынсен Свято-Троицки мăнастирĕн колокольни «Россия-10» интернет-конкурсăн финалĕнче палăрас шанăç пур.
Июлĕн 1-мĕшĕнче конкурсăн черетлĕ тапхăрĕ старт илнĕ. Сасăлав кăтартăвĕсем тăрăх иккĕмĕш тура кашни федераллă округран вуншар уйрăмах паллă вырăн тухнă. Çав шутра Раççейĕн рекордсен кĕнекине кĕнĕ Атăл тăрăхĕнчи чи çÿллĕ колокольня та кĕрешĕве малалла хутшăнĕ.
Халĕ сасăлав çĕнĕрен пуçланать. Хамăр тăрăхри çак паллă вырăна çĕнтерме пулăшас тĕллевпе хăвăр сасса икĕ мелпе пама пултаратăр: сайт урлă тата СМС ярса. Пĕлтерĕве 1880 номерпе ямалла: Улатăрти мăнастирĕн номерĕ – 19. СМС-пĕлтерĕвĕн хакĕ 4 тенкĕрен ытла мар, сасăлав кăçалхи сентябрĕн 1-мĕшĕнчи 12 сехетчен тăсăлать.
Иккĕмĕш тур кăтартăвĕсем тăрăх 80 конкурсантран 30-шне суйласа илĕç, вĕсем финалта тупăшма тивĕçĕç. Сентябрĕн 29-мĕшĕнче вара çĕнтерÿçĕсен – Раççейри чи илемлĕ те паллă 10 вырăн – ячĕсене асăнĕç.
Улатăрти колокольня çак йыша кĕресси пирĕнтен – республикăра пурăнакансенчен – нумай килет. Сасăлăр, Чăваш ене çĕнтерме пулăшăр.