03 июня 2013 г.
Июнĕн 1-мĕшĕнче Ачасене хÿтĕлемелли пĕтĕм тĕнчери куна паллă тăваççĕ. Уяв
ирттересси пирки 1925 çулта Женевăра Пĕтĕм тĕнчери конференцире йышăннă. Анчах
та уява 1949 çулта çеç хĕрарăмсен пĕтĕм тĕнчери демократиллĕ федерацийĕн
сессийĕн йышăнăвĕпе çирĕплетнĕ. Пĕрремĕш уяв 1950 çулта иртнĕ. Пĕлтерĕшлĕ
мероприятин тĕллевĕ – ачасен пурнăçне, сывлăхне, прависене хÿтĕлесси.
Пирĕн çĕршывра Ачасене хÿтĕлемелли куна 1963 çултан тытăнса уявлама пуçланă.
Шупашкарти хула комитечĕ 1963 çулхи июнĕн 1-мĕшĕнче ачасене хÿтĕлессипе
çыхăннă ыйтусем тавра хула общественноçĕн пухăвне ирттернĕ.
Республикăри хаçат-журналсен, производство управленийĕн хаçачĕсен
редакцийĕсене, Чăваш Республикин Министрсен Канашĕ çумĕнчи радиовещани тата
телевидени енĕпе тимлекен комитета ачасем пирки патшалăх тăрăшнипе çутатма
хушнă.
М.БЕЛКОВА