29 мая 2013 г.
Симĕс курăк çине тухнă хыççăн мăйракаллă шултра выльăх кÿпĕнсе каясси
час-часах тĕл пулать. Кун сăлтавĕ ĕне выльăх хăвăрт йÿçекен курăксем – клевер,
кукша пуç, люцерна – нумай çининче. Газ мăн хырăмлăхра пухăннăçемĕн ĕне выльăхăн
сулахай енĕ çурăм шăмми таранах хăпарса кайма пултарать, выльăх апат çиме
пăрахать, хырăмĕ çине пăхать, урипе тапать.
Ку чиртен мĕнле асăрханмалла; Кĕтÿрен килнĕ çĕре выльăха типĕ утă хурса
памалла. Ирхине кĕтĕве кăлариччен кăшман, çĕр улми çитермелле мар.
Кÿпĕннĕ выльăха хуллен уттарас пулать, çăварлăхламалла (пушăпа усă курма
пулать), хырăмĕ çине сивĕ шыв сапмалла, сулахай енчен массаж тумалла.
Суса 1–2 литр сĕт памалла, тăвар шывĕ пулăшать.
Пĕр флакон тимпанола 2 литр, 20–30 грамм сĕт кислотине 500 мл шывпа
хутăштарса ĕçтермелле. Магнезипе те, тип çупа та усă кураççĕ.
Ял хуçалăх предприятийĕсенчи кĕтÿçсен пĕрле троакар, тимпанол пулни вырăнлă.
Б.ЛЕОНТЬЕВ