10 февраля 2010 г.
Мана хаçатăн 10-мĕш номерĕнче «В.Путин визичĕ: халăх шухăш-кăмăлĕ» ятпа тухнă рубрика кăсăклантарчĕ. Манăн Т.Петров пенсионер пекех мĕнпур çĕршыв вăйĕпе туса лартнă трактор заводне тухăçлăн ĕçленине курас килет. Хывнă укçа-тенкĕ усă кÿтĕрччĕ кăна.
Эпĕ пенси çулне çитрĕм ĕнтĕ. Ачаран пуçласа машина-трактор çинчен анман, килте техника та пур. Юрать, хăй вăхăтĕнче колхозсемпе совхозсенчен юлнă агрегатсене юсаса-саплаштарса пурăнатпăр. Лайăх техникăна халăхăн туянма укçа çитмест. Пирĕн халĕ мотоблока палăк вырăнне лартасси кăна юлать. Ăна хыçалтан тĕксе кун каçиччен пилĕк сотка çĕр сухалама пулать-ха. Хушма хуçалăх тытакана çавах хăватлă техника рулĕ умĕнче курас килет.