30 января 2010 г.
Социализмла Ĕç Геройĕ И.Н. Никифоров çуралнăранпа 100 çул çитнине халалласа паллă педагог нумай çул ĕçленĕ Вăрнарти 1-мĕш вăтам шкулта педагогика вулавĕ иртнĕ. Унта районти шкулсенчи математика учителĕсем, РСФСР тава тивĕçлĕ учителĕпе пĕрле ĕçленисем тата вĕренекенĕсем хутшăннă.
Шкулти музей ертÿçи Наталья Бобина пухăннисене Геройăн пурнăçĕпе ĕçĕ-хĕлне халалланă пуян презентаципе тыткăнланă. Вера Васильевна Краснова, Валентина Ивановна Кулаева, Ольга Алексеевна Семенова, Иван Михайлович Смирнов, Лев Федорович Федоров, Мария Петровна Степанова аса илĕвĕсем Иван Никифоровичăн пĕлÿ парас пултарулăхĕ тата чун пуянлăхĕ çав тери пысăк пулнине тепĕр хут уçса панă.
Героя халалланă мероприятисем малалла пыраççĕ: математика олимпиади, математика темипе КВН, мастер-классем, официаллă пай.