27 января 2010 г.
«Самый классный классный» республикăри конкурсăн районти тапхăрĕ пуçланнă. Кăçал ку конкурса пĕтĕмпе 65 класс ертÿçи хутшăнать: кĕçĕн звенора – 25, вăтамминче – 21, аслă звенора 19 вĕрентекен. Хăйсен презентацийĕсемпе ачасен тусĕсем февраль пуçламăшĕнче паллаштарĕç, чи маттуррисем республикăна тухас умĕн район шайĕнче тупăшĕç.
Юлашки икĕ çулта чи лайăх класс ертÿçи ята çĕнсе илессишĕн республикăри конкурса пирĕн районтан саккăрăн хутшăнма тивĕçнĕ. Виçĕмçул Вăрнарти 1-мĕш вăтам шкулти кĕçĕн классен учителĕ Нина Бурмистрова призерсен йышне лекнĕччĕ, пĕлтĕр Хапăсри вăтам шкул учителĕ Оксана Жебелевская çĕнтерÿçĕ пулса тăнăччĕ.