12 декабря 2009 г.
Çĕр ĕçченĕн çулталăкне халалласа республикăра «Мухтанатăп санпа, асатте!» темăпа электронлă презентацисен конкурсĕ иртрĕ. Ăна Чăваш Республикинчи ачасемпе çамрăксен библиотеки йĕркеленĕ. Унта ял ĕçченĕсемпе ĕç династийĕсем çинчен калакан 39 ĕç тăратнă.
Çĕнтерÿçĕсен шутĕнче Вăрнар районĕнчи Уравăш шкулĕнче вĕренекен Юльăпа Кирилл Федоровсем те пур. Вĕсем 2-мĕш степеньлĕ диплома тата парнесене тивĕçрĕç. Çак çитĕнÿре Уравăш ял библиотекинче тимлекен Клара Вольевна Сюмайкинан тÿпи те пысăк. Вăл ачасене тĕрлĕ конкурссене хутшăнтарма, кĕнекепе туслаштарма тăрăшать.
Çапла вара пирĕн ентешĕн Василий Митрофанович Федоровăн пурнăçĕпе ĕçĕ-хĕлĕ Чăваш Республикин электронлă архивĕнче тивĕçлĕ вырăн йышăнĕ.