17 октября 2009 г.
Юлашки вăхăтра пушар хăрушлăхĕ çав тери ÿсрĕ. Нумай чухне кил-çурт, пурлăх çунса кĕлленнинче çынсем хăйсем айăплă.
Инкексен пысăк пайĕ ачасен айăпĕпе пулни те паллă. Çавăнпа та вĕсене пушар хăрушсăрлăхне вĕрентесси тĕп вырăнта тăрать. Калининăри шкул-интернатра ку темăна яланах тимлĕре тытаççĕ, вĕрентÿллĕ мероприятисем йĕркелеççĕ.
Çулăм çыншăн хăçан юлташ, хăçан тăшман пулни, вут-çулăм ан алхастăр тесен мĕнле правилăсене пăхăнмалла, пушарта харпăр хăйне мĕнле тытмалла – çак тата ытти ыйтусем акă нумаях пулмасть иртнĕ калаçура та тĕп вырăнта пулнă. Калининăри психоневрологи интерначĕн пушара асăрхаттарас енĕпе ĕçлекен инструкторĕ Н.Ефимова 1–4-мĕш классенче вĕренекенсемпе ăнлантаруллă ĕç ирттернĕ, ыйтусене тĕслĕхпе çирĕплетсе хуравланă.