30 сентября 2009 г.
Ирĕклĕ майпа кĕрешессипе Атăлçи федераци округĕнче мала тухассишĕн Ульяновскра иртнĕ турнира Вăрнар çамрăкĕсем те хутшăннă.
Кавир çине харпăр-хăй виçе категорийĕнче 200 ытла вăйлă кĕрешÿçĕ тухнă. Вăрнарти 2-мĕш вăтам шкулти Роман Львов тата Пăртасри вăтам шкулти Вероника Бардасова Чăваш Республикин пĕрлештернĕ командин чысне хÿтĕленĕ. Вĕсем Юрий Львов тата Виталий Трофимов тренерсем патĕнче ăсталăха туптаççĕ.
В.Бардасова ăмăртура чи лайăх техника кăтартнă кăна мар, хăйĕн виçинче виççĕмĕш вырăн йышăннă. Ăна Раççей первенствине хутшăнма, вăл ноябрь вĕçĕнче Красноярскра иртет, Атăлçи федераци округĕн пĕрлештернĕ команди йышне илнĕ.