23 сентября 2009 г.
«Вурнарская» агрофирма юлашки вăхăтра «иккĕмĕш çăкăр» лаптăкне ÿстерсех пырать. Халĕ хуçалăхăн Енĕш çывăхĕнчи çĕр улми пуссинче хĕрÿ ĕç пырать. Çĕр улмие пуçтарса илме çывăхри ялсенче пурăнакансем кăна мар, Вăрнартан та йышлăн килеççĕ, пилĕке тÿрлетмесĕр тăрăшаççĕ.
«Иккĕмĕш çăкăр» ăнса пулнă. Кăçал кунта тăхăр тĕслĕ, пурте элитлă, сорт çитĕнтернĕ. Агрофирма управляющийĕ М.Максимов пĕлтернĕ тăрăх, çĕр улми тухăçĕ 250 центнерпа танлашать. Ăна ытларах вăрлăх, пысăк пайне сутлăх валли хатĕрлеççĕ.
Уйра ĕçе тĕплĕ йĕркеленĕ. Е.Тарасова бригадир ку енĕпе уйрăмах хастарлăх, çирĕплĕх кăтартать. «Иккĕмĕш çăкăра» тÿрех тиесе пыраççĕ, çийĕнчех вырнаçтарса пыма тăрăшаççĕ.